Tilboðshafi þarf að hafa nákvæma og viðurkennda teikningu ( frá arkitekt eða t.d. teiknistofu á Netinu s.s. drummonddesigns.com) til að fá raunsætt tilboð í byggingu frá Fermco. Með nákvæmri teikningu er átt við nákvæm stærðarhlutföll uppsett í stærðartöflu. Teikning á tölvutæku formi flýtir fyrir gerð tilboðs. Athugið að teikning byggingar þarf að vera samþykkt af viðkomandi bæjar- eða sveitarfélagi og að hún megi rísa á viðkomandi lóð.

RB-vottun og teikningar arkitekta/ verkfræðinga 
Allar teikningar skal staðfæra af íslenskum arkitekti eða verkfræðingi til að fá viðkomandi teikningu samþykkta og að hún standist allar kröfur RB-vottunar.
Þegar teikningarnar eru tilbúnar eru þær sendar erlendis ásamt tilboðsbeiðni þ.e. pöntunarformi fyrir klæðningu, vali á hurðum, hurðarhúnum, skrautlistum o.s.frv. en það tekur um 12–16 daga að fá kostnaðaráætlun ásamt gámaplani að utan.

Sperru- og burðarþolsteikningar  
Sperru- og burðarþolsteikningar koma ca. 1–2 vikum áður en húsið er fullgert í verksmiðju og handbók um uppsetningu (operation manual) er send með pósti 1–2 vikum fyrir komu hússins. Ástæðan fyrir því að sperruteikningarnar koma ekki fyrr er vegna þess að þær þurfa að fara til löggildingar í Kanada (MI-TEC) þar sem reiknað er burðarþol hverrar sperru fyrir sig og öll atriði yfirfarin miðað við íslenskar aðstæður. Þegar sperruplanið kemur hingað til lands þarf verkfræðingur viðkomandi húss að yfirfara það áður en hann sendir öll gögn í RB-vottun. Kostnaður RB-vottunar er á bilinu 30–60.000 krónur.